…me ç’rast u zhvillua një përleshje e armatosur në të cilën u vranë disa policë dhe disa pjesëtarë të UÇK-së. Për pasojë, forca të shumta të policisë serbe, të pajisur me autoblinda e helikopterë, sulmuan fshatrat Likoshan e Qirez, të komunave Drenas e Skenderaj, për t’u hakmarrë në mënyrën më mizore.
Brenda ditës u vranë 23 qytetarë të dy fshatrave të përmendura dhe një i fshatit Baks. Po atë ditë ishte vrare edhe një i ri në Skenderaj. Dita u mbyll me 25 shqiptarë të vrarë dhe disa policë.
Në këtë ballafaqim frontal me forcat serbe u vranë pjesëtarët e UÇK-së: Rexhep e Beqir Rexhepi nga fshati Qirez e Muhamet e Naser Gjeli nga fshati Likoshan, si dhe u plagosen disa të tjerë.
Më së keqi pësoi familja Ahmeti nga Likoshani së cilës iu masakruan barbarisht dhjetë mëshkujt që ndodheshin në shtëpi, pastaj familja Sejdiu nga Qirezi së cilës iu vranë katër djem, familja Nebihu e kështu me radhë.
Në nderim të kësaj ngjarje, delegacione nga komunat Skenderaj e Drenas, të prirë nga kryetarët Lushtaku e Demaku, vunë kurora lulesh në Varrezat e Dëshmorëve të Çiçavicës dhe bënë vizita në familjet e dëshmorëve.
Në kujtim të kësaj ngjarje heroike, e njëkohësisht tragjike, në Drenas u mbajt një akademi përkujtimore.
Likoshan-Qirez, 28 shkurt-Trembëdhjetë vjet më parë, më 28 shkurt 1998, në Likoshan të Drenasit, një njësit i UÇK-së ra në pritë të policisë serbe…
