Prekaz, 13 maj – Për t’i përkujtuar babë e birë, në 29 vjetorin e rënies së tyre heroike, të enjten janë mbledhur përfaqësuesit e pushtetit lokal të Skenderajt, familjarët, bashkëfshatarë, përfaqësues të shoqatave të dala nga lufta, përfaqësues të partive politike dhe qytetarë.
Ata kanë vendosur kurora me lule pranë varrit të dëshmorëve dhe kanë nderuar më një minutë heshtje. Për luftën e Mehajve, flet edhe Kryetari i Skenderajt, Sami Lushtaku, i cili thotë se lufta e tyre ka qenë kthesë historike për shqiptarët e Kosovës. “Lufta e Tahirit është historike. Ka qenë kthesë historike për shqiptarët e Kosovës, sepse deri në atë kohë, ishte krijuar përshtypja se nuk ka birë nane që ja kthen pushkën Serbisë. Prandaj, tek Adem Jashari dhe grupi i tij, frymëzimi ka qenë te lufta e Tahir Mehës.
Nga ai moment u menduan ndryshe për çështjen shqiptarëve”, ka thënë kryetari i Skenderajt, duke kujtuar ata pak njerëz që kishin marrë pjesë në varrimin e Nebihut dhe Tahirit, në mesin e të cilëve ishin edhe Shaban, Adem e Hamëz Jashari. “Rrethanat kanë qenë të tilla. Jasharët u betuan aty se luftën do ta vazhdojnë deri në fund. Shpeshherë gjatë ndejave me bacin Shaban, Ademin dhe Hamzën kemi biseduar për atë betim që u dha para varrit të Tahirit”, ka thënë Lushtaku, i pakënaqur me gjendjen e sotme të familjeve të dëshmorëve.
Megjithëkëtë, familja Mehaj dhe familjet tjera të dëshmorëve, ndihmohen me një ndihmë të cilën ne po e quajmë simbolike. Nuk jemi të kënaqur me këtë ndihmë, por na vjen mirë që institucionet e Kosovës kujdesën dhe i ndihmojnë këto familje.
Prekaz, 13 maj – Për t’i përkujtuar babë e birë, në 29 vjetorin e rënies së tyre heroike, të enjten janë mbledhur përfaqësuesit e pushtetit lokal të Skenderajt, familjarët, bashkëfshatarë, përfaqësues të shoqatave të dala nga lufta, përfaqësues të partive politike dhe qytetarë.
