Skenderaj 29 qershor- Kryetari i komunës, në dy takime të ndara priti shefen e Zyrës Ndërkombëtare Civile (ICO),për rajonin e Mitrovicës, znj. Kate Fearou dhe komandantin e BSHV, z. Belânzhé (Bellenger).
Ishin këto dy takime me karakter informimi të ndërsjellë, meqë të dy drejtuesit e këtyre institucioneve ndërkombëtare janë emëruar rishtas në këto funksione.
Në takimin me shefen e re të ZCN ( ICOS) në Mitrovicë, znj. Kate Fearou njoftoi se është e emëruara e re në këtë mision dhe se ka njohuri për bashkëpunimin e mirë të deritashëm të Skenderajt me Zyrën në Mitrovicë dhe se këtë bashkëpunim dëshiron ta vazhdojë edhe më tej. Ajo, po ashtu theksoi se është e interesuar për zhvillimet e përgjithshme në Skenderaj, por në veçanti për gjendjen e komunitetit pakicë (serb).
Z. Lushtaku e njoftoi për të arriturat e deritashme në integrimin e këtij komuniteti, se si ai ka ende nevoja të shumta por që nuk janë në mundësinë e Komunës për t’i zgjidhur, si papunësia e gjendja e rëndë ekonomike , e cila është e njëjtë për të gjithë; se si ka përparime në integrimin në jetën shoqërore (marrja e dokumenteve personale nga rreth 80 % banorëve serbë); liria e plotë e lëvizjes dhe qasjes ne pronat e tyre etj, por kërkoi përkrahje konkrete , në mënyrë që atyre njerëzve të mos u themi vetëm fjalë të mira por t’u ofrojmë ndonjë projekt konkret, i cili do t’ua lehtësonte jetën atyre banorëv…
Në vazhdim përfaqësuesja e ICO-së u interesua edhe për projektet në përgjithësi dhe mendimin se si planifikohet që komuna e Skenderajt të dalë nga shkalla e ulët e zhvillimit.
Z. Lushtaku, shkurtimisht, e njoftoi për gjendjen në të cilën e ka marrë komunën për ta udhëhequr, për dëmet nga lufta, prapambetjen e trashëguar dhe për përspektivat e zhvillimit, natyrisht nëse ka përkrahje nga Qeveria, donatorët dhe investuesit e huaj.
*
Në takimin me komandantin e BSHV në Mitrovicë, kolonel Belânzhé, ky u interesua për situatën aktuale, duke përfshirë edhe incidentin e fundit ne hapësirat e komunës, si dhe për gjendjen shëndetësore të të plagosurve.
Kryetari, S. Lushatku e njoftoi shkurtimisht për këtë çështje, e cila ka prekur të gjithë, por rrethanë lehtësuese është se kjo nuk ka ndodhur me fajin e institucioneve komunale por ka qenë një kontest pronësor midis palësh dhe se gjendja e të plagosurvr raportohet si jashtë rreziku…
Koloneli e ceku edhe çështjen e manastirit të Deviçit, personeli i të cilit nuk pranon që të vizitohet nga institucionet komunale – siç i është raportuar nga paraardhësi i tij – dhe ka informacione se ata i binden vetëm Kishës Ortodokse serbe dhe presin leje nga ajo…
S.Lushtaku insistoi se dëshira për ta vizituar është në kontekst pozitiv sepse ajo ndodhet ne territorin e komunës sonë dhe, doemos, ka nevojë për shërbimet tona.
Janë diskutuar edhe tema të tjera nga përditshmëria (politike, sociale etj)
Gjendja e sigurisë u vlerësua e mirë nga të dy palët.
Skenderaj 29 qershor- Kryetari i komunës, në dy takime të ndara priti shefen e Zyrës Ndërkombëtare Civile (ICO),për rajonin e Mitrovicës, znj. Kate Fearou dhe komandantin e BSHV, z. Belânzhé (Bellenger).
