Kullat e Tahir Mehës dhe Ahmet Delisë në Prekaz, Likoshanin e Qirezin, të cilat fshatra njihen për masakrën e tmerrshme të 28 shkurtit të vitit 1998, fshatin Likofc, në të cilin është themeluar Shtabi i Përgjithshëm i UÇK-së, Rezallën e masakres së 85 civilëve shqiptarë dhe Marinën në të cilën është ngritur momunenti në nderim të të gjithë 2185 dëshmorëve të Kosovës, të rënë në luftën e fundit. Vizita e gjeneralit, i cili gjatë gjithë kohës ka qenë i shoqëruar nga kryetari i Komunës së Skenderajt, Sami Lushtaku, ka filluar në Kompleksin Përkujtimor "Adem Jashari" në Prekaz, me ç’rast ka bërë homazhe te varri i Adem Jasharit dhe të rënëve të tjerë të lagjës. Pas homazheve, Buhler ka thënë se vizita e tij në Skenderaj ka për qëllim t’i përkujtojë viktimat e luftës së tmerrshme që ka ndodhur 12 vjet më parë. I pyetur se si e vlerëson gjendjen në veriun e Kosovës, në të cilën pjesë vazhdon të jetë situatë e tendosur, komandanti i KFOR-it, u shpreh: "Në përgjithësi kemi gjendje të qetë në gjithë Kosovën, herë – herë ka tensionime, mirëpo ne nuk duhet ta paraqesim gjendjen e sigurisë më të keqe se që është. Është shumë e rëndësishme t’ua bëjmë me dije njerëzve se gjendja e sigurisë në Kosovë është e mire dhe vetëm në këtë mënyrë mund të ketë përparime. Mirëpo kjo nuk do të thotë që ne nuk jemi të gatshëm të reagojmë në çdo kërcënim të gjendjes së sigurisë". Ai ka thënë se është e qartë se në atë pjesë të Kosovës veprojnë strukturat paralele, mirëpo gjenerali theksoi se kjo nuk është pyetje që duhet t’i bëhet KFOR-it, por nëse ekzistojnë grupe që vërtetë e kërcënojnë gjendjen e sigurisë, atëherë bëhet temë e KFOR-it dhe ai reagon. Por gazetarët nuk janë ndarë të kënaqur me përgjigjen e komandantit, të cilën kanë insistutuar duke thënë se në veri ka pasur edhe hedhje bombash në shtëpitë e banorëve shqiptarë. Ndërsa Bulher është përgjigjur: "Nuk do ta përcaktoja përkatësinë etnike të këtyre sulmeve, sepse ka pasur sulme edhe te serbët, por megjithatë them se është fjala për struktura kriminale ku vërtet janë multietnike dhe nuk do të bëja dallime me këtë rast. Kreu i forcës paqeruajtëse në Kososvë (KFOR), duke komentuar deklaratat e paraardhësit të tij, Rajnhard, 11 vjet më parë, i cili Adem Jasharin e ka quajtur komandant të madh, ka thënë se nuk dëshiron ta vlerësojë apo ta komentojë një deklaratë të një komandanti, të cilin e çmon shumë, "mirëpo e kam thënë shpesh dhe e përseris, se vlerësoj lart përpjekjet e atyre që kanë tentuar dhe janë munduar që t’i evitojnë vrasjet dhe shpërnguljet e njerëzve. Kjo që thash vlen edhe për shqiptarët edhe për serbët. Këto vende nuk i vizitoj nga kurreshtja, por unë pata dëshirën që duke i vizituar ato vende thjeshtë t’i kujtojmë viktimat e luftës dhe natyrisht se pata dëshirë të informohem personalisht për rrënjet e konfliktit". Gjenerali gjerman është pyetur nëse janë shtuar masat e sigurisë në Kosovë pas vrasjës së Bin Ladenit. "Masat tona të sigurisë janë të tilla që ne në çdo kohë mund t’i mbrojmë objektet tona". Ai ka vazhduar agjendën me vizitat tjera të paralajmëruara nëpër vendet historike të Ushtrisë Çlirimtare të Kosovës, ku është njohur më hollësisht nga shoqëruesit për hapat e parë të formimit të UÇK-së, masivizimin e saj e deri te përfundimi i luftës. Buhler ka përfunduar vizitën në Komunën e Skenderajt duke vizituar fshatin Bajë, me popullatë të përzier. Skenderaj, 2 maj – Komandanti i KFOR-it, gjenerali Erhard Buhler, ka shfrytëzuar të hënën, që ishte ditë pushimi, për t’i vizituar disa nga vendet historike në Skenderaj, si Prekazin e Adem Jasharit…
