Filloi realizimi i premtimit të Qeverisjes Nura, për ndërtimin e Subqendrës në Runik, një nga projektet kapitale më të mëdha në komunën e Skenderajt. Kryetari Fadil Nura, nënkryetari Sami Lushtaku, kryesuesja e Kuvendit, Adelina Spahiu, anëtarë të Kuvendit dhe qytetarë të tjerë të fshatrave të Bashkësisë Lokale të Runikut, ishin të pranishëm në vënien e gurthemelit të projektit për këtë subqendër, i cili ka për qëllim modernizimin e hapësirës urbanistike, me hapësira të mjaftueshme atraktive, infrastrukturë përcjellëse për biznese, aktivitet kulturorë e rinor, për të shndërruar këtë qendër në një atraksion tërheqës.
