Kastriot Duraku
Drejtor i Arsimit në Komunën e Skenderajt
Vendlindja: Komuna e Skenderajt
Data e lindjes: 11.07.1985
Vendbanimi: Skenderaj
Edukimi: Ekonomist, MSc – Menaxhment dhe Informatikë
E-mail: kastriot.duraku@rks-gov.net
Centrix: 038200-42748
Postet e ushtruara deri tani:
2007–2010 Shef për financa, Graniti Com Shpk
2010–2012 Udhëheqës i kontabilitetit në disa kompani private
2013–2021 Shef për buxhet dhe financa në Drejtorinë e Arsimit
2021– Drejtor i Arsimit në Komunën e Skenderajt
Drejtoria e Arsimit funksionon në tre sektorë:
Sektori i Buxhetit dhe Financave
Sektori i Administratës
Sektori i Arsimit
Drejtoria e Arsimit
Drejtoria e Arsimit, në kuadër të kompetencave, autorizimeve dhe përgjegjësive ligjore, udhëzimeve administrative të MASHT-it, Statutit të Komunës dhe politikave strategjike të Kryetarit të Komunës në fushën e veprimtarisë së saj, është kompetente dhe ka përgjegjësinë për menaxhimin dhe koordinimin e strukturës së arsimit publik parashkollor, fillor dhe të mesëm (0,1,2,3) në Komunën e Skenderajt;
Në përputhje me aktet ligjore në fuqi dhe në bashkëpunim me Sektorin e Pagave, menaxhon procesin e pagesave të stafit aktiv arsimor dhe stafit tjetër profesional dhe mbështetës në institucionet shkollore-arsimore të Komunës.
Në pajtim me aktet ligjore dhe nënligjore në fuqi, planifikon dhe mbikëqyr zbatimin e strategjive për arsimin parashkollor, fillor dhe të mesëm në Komunën e Skenderajt;
Mbikëqyr institucionet arsimore dhe vlerëson performancën e të gjithë të punësuarve të drejtorisë dhe drejtuesve të institucioneve arsimore në nivel komunal;
Regjistron dhe pranon nxënësit, në pajtim me parimin e mosdiskriminimit në të gjitha format e tij.
Regjistron të gjitha të dhënat e nxënësve dhe evidenton, ruan dhe arkivon dosjet e personelit arsimor dhe trupit menaxherial, në përputhje me ligjet, procedurat dhe formularët e MASHTI-t;
Monitoron dhe mbikëqyr vendimet e drejtorëve të shkollave të të gjitha niveleve;
Monitoron të gjitha të hyrat dhe shpenzimet e Drejtorisë së Arsimit të Komunës së Skenderajt si organizatë buxhetore;
Mbikëqyr shpenzimet e buxhetit, përmes kërkesës për raporte periodike nga shkollat;
Harton planin e prokurimeve për nevojat funksionale të Drejtorisë së Arsimit;
Në këshillim me drejtorët e shkollave dhe këshillat drejtuese të shkollave, miraton rregulloret për sjelljen dhe disiplinën e nxënësve;
Konstaton dhe identifikon, si dhe propozon, në marrëveshje me MASHT-in, vendimin për themelimin, shuarjen, ndarjen apo mbylljen e institucioneve shkollore publike të niveleve 0,1,2 dhe 3 në Komunën e Skenderajt;
Nxit, ndihmon dhe inicion bashkëpunimin ndërmjet mësimdhënësve, prindërve dhe nxënësve, me qëllim të ngritjes së kualitetit dhe cilësisë së mësimdhënies dhe mësimnxënies në shkollat që i menaxhon dhe mbikëqyr;
Organizon, inkurajon dhe nxit organizimin e garave të ndryshme të diturisë ndërmjet shkollave, nga lëndët e shkencave natyrore dhe ato humanitare, dhe ndan shpërblime dhe mirënjohje për nxënësit dhe punëtorët arsimorë të merituar;
Kujdeset për mirëmbajtjen dhe renovimin e objekteve shkollore dhe pajisjeve të institucioneve arsimore me fonde publike;
Kujdeset, inicion dhe organizon krijimin e shërbimeve të nevojshme për nxënësit dhe mirëqenien e tyre (ujin, ambientet e banjave, shërbimet shëndetësore, shujta ditore etj.);
Kujdeset për mirëmbajtjen e ambienteve rrethuese të shkollave duke promovuar gjelbërimin e tyre;
Propozon dhe inicion bashkëpunime ndërkomunale në fushën e arsimit;
Bashkëpunon me OJQ-të dhe shoqërinë civile, si dhe me organizata qeveritare dhe joqeveritare, me qëllim të tërheqjes së donacioneve në interes të shkollave publike të të gjitha niveleve parauniversitare, me qëllim të avancimit dhe ngritjes së kualitetit të mësimdhënies dhe mësimnxënies;
Për arritjen e objektivave të shëndetit publik, ndërmerr aktivitete dhe zhvillon programe të përbashkëta me MASHT-in dhe shkollat për të nxitur kujdesin shëndetësor dhe për të shmangur sëmundjet ngjitëse dhe dukuritë devijante;
Kujdeset dhe mbështet arsimimin e fëmijëve me nevoja të veçanta (speciale), në përputhje me masën dhe nevojat specifike të tyre.
