Ndezja e zjarrit të madh në Prekaz dhe flakadaneve, që simbolizojnë përhapjen e luftës në gjithë Kosovën, pas Prekazit që e nisi komandanti ynë legjendar, Adem Jashari, si dhe programi artistik në qendër të qytetit, shënojnë përfundimin e ngjarjes më përmasa mbarëkombëtare të Epopesë së Ushtrisë Çlirimtare të Kosovës, në kujtim të 27 vjetorit të rënies heroike te Adem Jasharit dhe familjes së tij, për lirinë e vendit tonë.
Kryetari i Komunës, Fadil Nura, baci Rifat Jashari, ministri i Mbrojtjes së Kosovës, Ejup Maqedonci, deputeti Mergim Lushtaku dhe personalitete tjera politike e kulturore, ishin pjesëmarrës sonte në programin artistik, në të cilin kënduan këngëtarë të mirënjohur shqiptarë.
