Kryetari i Komunës, Fadil Nura, bashkë me drejtorët Driton Mulaj dhe Alban Berisha, ku ishte i pranishëm edhe deputeti i Parlamentit të Kosovës, Mergim Lushtaku, kanë prit sot në takim kryeimamin e Këshillit të Bashkësisë Islame të Kosovës në Skenderaj, Ibrahim Hoti me bashkëpunëtorë, ku është diskutuar për fillimin e punimeve për ndërtimin e një xhamie të re në qytetin tonë.
Siç u bë e ditur në takim, ndërtimi i xhamisë vije si rezultat i kërkesës së KBI-së dhe besimtarëve islam, por edhe për shkak të rritjes së qytetit të Skenderaj si në aspektin demografik ashtu edhe në atë urbanistik.
“Lajm i mirë në muajin e madhërishëm të Ramazimit, fillimi i ndërtimit të një xhamie të re në qytetin tonë, si përgjigje e kërkesave të besimtarëve islam, Këshillit të Bashkësisë Islame dhe nevojës nga rritja në vazhdimësi e qytetit të Skenderajt.
Sot me udhëheqësit e KBI-së, me kryeimamin Ibrahim Hoti, bashkëpunëtorët e tij dhe deputetin e Parlamentit të Kosovës, Mergim Lushtaku, për të diskutuar në hollësi këtë projekt dhe me të cilët jemi përcaktuar edhe për lokacionin e dedikuar sipas Hartës Zonale, ku do të ndërtohet një xhami e bukur!”, ka njoftuar pas takimit kreu i Komunës së Skenderajt, Fadil Nura.
