Këto objekte ishin ndërtuar në vitet 80 – 90 dhe kishin karkter të përkohshëm. Një numër i tyre qenë ndërtuar pas suprimimit të institucioneve autonome të Kosovës, në viet 90. Lejet e ndërtimit dhe të punës i kishin marrë nga organet e dhunshme të instaluara në komunë, në të cilën nuk punonte asnjë shqiptar.Drejtoria për Urbanizëm dhe Mbrojtje të Ambientit propozoi rrënimin e këtyre objekteve me qëllim të realizimit të planit urbanistik të kësaj pjese të qytetit dhe konkretisht:
– – Ekzekutimi i shtratit dhe parkut të lumit Klinë,
– – Ekzekutimi i rrugës përgjatë shtratit të lumit
– – Ekzekutimi i objektit të palestrës së sportit
– Ekzekutimi i objektit për garazhim publik dhe
– Ekzekutimi i objektit të banjove publike.
Një delegacion i shfrytëzuesve të këtyre lokaleve pati një takim me zëvendëskryetarin e komunës në të cilin kërkuan që t’u mundësohet ushtrimi i veprimtarisë së tyre në ndonjë lokacion tjetër, në të cilin do të ndërtoheshin me bashkëfinancim objekte për këtë qëllim.
U ra dakord që të kërkohet një zgjidhje optimale për ta dhe komunën, por kjo nuk nënkupton se rrënimi i objekteve mund të shtyhet, meqë vendimet për një gjë të tillë i kanë marrë me kohë dhe afati për rrënim tashmë ka skaduar.
Skenderaj, 20 maj – Në kuadër të realizimit të planit urbanisti të qytetit, sot filloi rrënimi i 53 objekteve zejtare-tregtare.
