Në vend qe të diskutojnë për koncept-dokumentin për kthimin e të zhvendosurëve në Runik, i cili me vite sillet nëpër sirtarë të Ministrisë së Kthimit, ata janë marr me akuza ndaj përfaqësuesit të tyre të deritashëm, ndaj MKK-së, por edhe bashkëkombasve të tyre nga fshati Bajë, të cilët jo vetëm se jetojnë në fshatin e tyre, por edhe janë integruar në masë të madhe në realitetein aktual në Kosovë.
Sipas Zhivka Jovanoviqit, nga Kastërci, përfaqësuesi i deritashëm i serbëve të Runikut, Vukmir Llazoviqin, ka punuar vetëm për xhepin e vet, kurse serbët po pësojnë. “Të gjithë po punojnë për xhepin e vet, edhe Vukmiri, edhe të tjerët, ndërsa ne po pësojmë. Unë nuk kam as ku të kthehem, nuk kam as me çka të jetoj.”, është ankuar ajo.
I paknaqur me udhëheqësin e tyre por edhe me MKK-në, është shprehur edhe Radoje Mishiq, i cili kërkoi shumë më shumë shtëpi të ndërtuara se sa parashihet me concept-dokument. “Duhet të ndërtohen jo 14 shtëpi, as 50, por 70 shtëpi, për të gjithë neve që po jetojmë në mjerim nëpër shtepi e vende të huaja”, ka thenë Mishiq, për çka është përkrahur në kor edhe nga serbët tjerë.
Ndërkaq vet Vukmir Llazoviq, nuk i ka pranuar kritikat dhe ka treguar për përpjekjet e tij e Komunës për të realizuari planin e kthimit, por ka akuzuar MKK-në për neglizhencë. “Me përfaqësuesit e komunës kemi shkuar në MKK, ku kemi dorëzuar verzionin e dytë të koncept-dokumentit për kthimin në Runik, sipas të cilit parashihet të ndërtohen 14 shtëpi për serbët e 5 për shqiptarët, por ende nuk kemi përgjigje”, ka treguar ai. Edhe Branisllav Nedelkoviq, nga shoqata “Zaviçaj za povratak” e Kragujevcit, është pajtuar me kritikat e bëra dhe ka propozuar qe serbëve të Runikut t’ju mundësohet kthimi sa më parë.
Por, kryesuesi I KK-së në Skenderaj, Ismet Salihu, ju përkujtoi serbëve të Runikut se ata ishin shprehur të paknaqur edhe me përfaqësuesin e tyre të pare, Jugosllava Vasileviqin, e cila ka marrë edhe pagë si koordinatore e tyre, dhe se përfaqësuein e tashëm vet e kanë propozuar dhe zgjedhur.
Kryetari i Skënderajt, Sami Lushtaku, ka thënë se serbët nuk kanë pasur nevojë të vijnë me përcjellje të askujt. “Nuk keni pasur nevojë të vini në përcjellje të askujt, ashtu siç nuk vijnë as bashkëkombasit tuaj nga Baja. Mandej, unë për çdo ditë shoh automjete me targa të Beogradit, Kralevës, Vranjes dhe askush ata nuk i shqetëson ata”, ka thenë Lushtaku. Ai mandej ju ka kujtuar atyre se janë qytetarë të kësaj komune dhe të Republikës së Kosovës, dhe si të tillë mund të vijnë lirshëm në Skënderaj dhe të kthehen në vatrat e tyre por vetëm duhet të tregojnë vullnet për kthim. “Ne ju kemi krijuar klimë të volitshme sepse në asnjë mënyrë nuk ju dëshirojmë ta keni fatin e shqiptarëve para lufte. Askush nuk dëshiron të kthehet prapa, por nuk mund as t’i harrojmë ato që kanë ndodhur, pa fajin tone”, tha ai.
I nxitur nga kjo, Nedelkoviq I “Zaviqajt ….” të Kragujevcit, ka thënë se nuk kanë kërkuar përcjellje të askujt, por vetëm kanë bërë kërkesë zyrtare për vizitë e mandej është vepruar sipas procedurave
Në fund, përfaqësuesi i MKK-së, Ivan Deleviq, tha se “ministri për kthim ka disktuar projektin me kryeministrin Hashim Thaçi, por akoma nuk kemi përgjigje, pasi që mjetët duhet të sigurohen nga Qeveria e Kosovës, pasi që MKK-ja ka buxhet të shkurtuar në këtë vit”.
Skenderaj, 24 maj – Pasi një ditë më pare kishin vizituar pronat e tyre në Runik, rreth 20 serbë të zhvendosur në veri të Kosovës dhe në Serbi, kishin ardhur të marten të takojnë udhëheqjen komunale të Skenderajt dhe përfaësuesit e Ministrisë për Komunitete dhe Kthim (MKK), për të biseduar për mundësinë e kthimit në pronat e tyre
