Anëtarët e bordit të Festivalit i bënë një vizitë Familjes Jashari, ku u pritën nga Murat Jashari, të cilit i dhuruan një pllakat ku ishte gravuar portreti i Hamzë Jasharit.
Pjesëmarrësit e natës së parë të Festivalit u pritën nga kryetari i komunës, z. Sami Lushtaku, i cili u uroi mirëseardhje e suksese si dhe iu dhuroi nga një pllakat me portretin e Hamzë Jasharit – embleme e Festivalit.
Festivalin e nderauan me praninë e tyre edhe Rifat e Bekim Jashari.
Në natën e parë konkurruese morën pjesë 14 rapsodë e grupe rapsodësh nga anë të ndryshme të Kosovës.
Për natën finale, e cila do të mbahet më 28 nëntor, juria e përbërë prej: Naim Gjoshit, kompozitor, Valton Beqirit, kompozitor dhe Xhevdet Gashit, kompozitor,
kualifikoi këta rapsodë:
- Naim Krasniqi & Gëzim Bytyçi – Prizren
- Gani Thaçi me grup – Drenas
- Mustafë Rama – Deçan
- Zymer Kryeziu – Prizren
- Skender Visha & Sejdi Gervalla – Deçan
- Fatmir Bajra & Behxhet Çelaj – Skenderaj dhe
- Sinan Gashi & Istref Musaj -Malishevë
Skenderaj, 26 nëntor – Me parakalimin nëpër Sheshin “Adem Jashari’ të pjesëmarrësve të natës së parë dhe vendosjen e buqetave me lule pranë shtatores së Adem Jasharit, sot filloi edicioni i shtatë i Festivalit folklorik gjithëkombëtar “Rapsodia shqiptare”.
